فه‌زڵی صڵاوات دان له‌سه‌ر پێغه‌مباری خوا دروودی خوای لێبێت

1 ـ پێغه‌مبه‌ر درودی خوای لێبێ ده‌فه‌رموێت : ( من صلى علي صلاة صلى الله عليه بها عشراً )  ، واته‌ : هه‌رکه‌سێک یه‌ک صڵاواتم له‌سه‌ر بدات خوای گه‌وره‌ به‌هۆيه‌وه‌ (ده‌) صڵاواتی له‌سه‌ر ده‌دات .

ئيمامی (الطيبی) ده‌فه‌رموویت : ( ئه‌گونجێ ئه‌و صڵاواته‌ی خوای گه‌وره‌ ڕواڵه‌ته‌که‌ی ووته‌و قسه‌يه‌ک بێت که‌ مه‌لائيکه‌ته‌کان ده‌يبيستن ، بۆ ڕێزلێنانێکه‌ بۆ ئه‌و که‌سه‌ی که‌ صڵاواته‌که‌ی داوه‌و ته‌کریمه‌ بۆ ئه‌و ، وه‌ک خوای گه‌وره‌ له‌ فه‌رمووده‌ی قودسی دا ده‌فه‌رموێ : ( وإن ذکرنی فی ملأ ذکرته فی ملإ خير منهم...) واته‌ : ئه‌گه‌ر له‌ناو کۆمه‌ڵێکدا یادم بکات ، منيش له‌ناو کۆمه‌ڵێکی له‌وان چاکتردا باسی ده‌که‌م .

2 ـ ( لا تجعلوا قبري عيداً وصلوا علي ؛ فإن صلاتكم تبلغني حيث كنتم ) ، واته‌ : دوای خۆم گۆڕه‌که‌م مه‌که‌ن به‌ ئاهه‌نگ و جه‌ژن و صڵاواتم له‌سه‌ر بده‌ن ، چونکه‌ صڵاواته‌کانتانم پێ ده‌گات له‌گه‌ر شوێنێک بن .

3 ـ وه‌ پێغه‌مبه‌ری خوا درودی خوای لێبێت ده‌فه‌رمووێت : ( إن لله ملائكة سياحين في الأرض يبلغوني من أمتي السلام )  ،   واته‌ : خوای گه‌وره‌ چه‌ند مه‌لائيکه‌تێکی گه‌ڕۆکی هه‌يه‌ له‌ زه‌وی دا سڵاوی ئومه‌ته‌که‌مم پێ ده‌گه‌يه‌نن که‌ لێم ده‌که‌ن .

4 ـ ( ما من أحد يسلم علي إلا رد الله على روحي حتى أروُدَّ عليه السلام ) واته‌ : هيچ که‌سێک نی يه‌ که‌ سڵاوم لێ بکات ئيلا خوای گه‌وره‌ ڕۆحه‌که‌م بۆ ده‌گێرێته‌وه‌ هه‌تا وه‌ڵامی سڵاوه‌که‌ی ده‌ده‌مه‌وه‌ .

گه ڕانه وه بۆ لاپه ڕه ی زیکره کان

گه ڕانه وه بۆ لاپه ڕه ی سه ره تای ڕێگای ڕاستی